.........اتعلم .........

 .........اتعلم .........

روح ورا حلمك ما تسبهوش

قابل الدنيا بوش بشوش

وإن أحلامك طالت حبه

حارب ضعفك متلاقيهوش

......

عاند عجزك وانساه حبه

واقبل خطأك ليه بمحبه

لجل ما تقدر يوم تتعلم

كل محاوله هتزيد رتبه

......

كل نجاح كان قبله سقوط

واللي يسلم ليه هيموت

حاول جرب وابدا تاني

قبل العمر عليك ما يفوت

......

قطر العمر أن جه هيدوسك

ومتنفعش ساعتها فلوسك

عملك بس اللي هيبقالك

والدنيا تصالحك وتبوسك

.......

خلي إيمانك درع يصونك

خلي يقينك يمحي ظنونك

واوعاك تقبل تيجي ع الهامش

او تفكيرك مره يخونك

.....

اصبر فكر كده بتاني

وانسا همومك حبه وغني

حول كل سقوط لدروس

تلقى الخير لعنيك مستني

......محمد إبراهيم درويش ......

عرض الرؤى

معدل وصول المنشور: ٢٥

٢محمد علي فرغلي احمد وارق ملاك

٤ تعليقات

أعجبني

تعليق

إرسال