..... لو تردي ....

 ..... لو تردي ....

ولو مرة صدفة عليا بتعدي

بتاخدي قلبي من بين يدي

حتي عيوني ما تشوف غيرك

بحبك بس السكات واقف ضدي

ونظرة من عينك تقول خليك

قولها ورد قلبي راح يرضيك

قول أنا ليكي هقول أنا ليك

وساعتها راح أبوح لك بحبي

تعدي وقلبي بالحب يندهلك

وأحلم بيوم أكون أنا جنبك

وأعيش أحلامي ف ليل حلمك

وأحكيلك وأشكيلك وانتي تردي

وغنوة حب أغنيها كتير ليكي

توصف جمالك وسحر عينيكي

ولو يوم سلمتي عليا بإيديكي

تاخدني الدنيا لخيالها وتعدي

وبين خيالي ف حبك وأحلامي

أنسي نفسي لما تبقي قدامي

بس عينيكي بتنسيني أحزاني

كلمة نفسي أقولها ليكي وتردي

.....أيمن بلال ....

عرض الرؤى

معدل وصول المنشور: ٥

أعجبني

تعليق

إرسال