هما الحماوات
واخدين دورات
في خراب البيت
عاند في مراتك
دايما نسيت
سيب لها البيت
اوعى تدلعها
راح تبقى عبيط
تركب وتدلدل رجليها
و صراخ وشخيط
تداعبها تاخد عليها
غاويين تنطيط
الكلمة الحلوة ماتقولها
تخبط في الحيط
بعدها لو جيت تطلب منها
تصرخ وتشيط
والبيه راح يسمع نصايحها
وبدون تفريط
وينفذ كل مطالبها
على ان حويط
وحماتها غاوية تبرجلها
ميت ابرة في خيط
وتشوف ابنها تشتكي منها
ودموع وعييط
يصالحها ويمسح في دموعها
وهيا نازلة سويط
لازم تروح وتأدبها
وتخرب البيت
والبيه ابن امه يهاودها
دلدول وعبيط
اهو خرب بيته لخاطرها
بصوت الوطاويط
اصرخ ياغراب البين قولها
ليه التفريط
الزوجه
اهي قاعدة فى حالها
وحماتها
نازلة تخطيط
(((أسامه جديانه)))
ليست هناك تعليقات:
إرسال تعليق