فى الذكرى السنوية لوالدى

 فى الذكرى السنوية لوالدى

رحمة الله تعالى عليه

( إهداء إلى والدى)

كلمات سعيد الشبراوى

سلامٌ عليك يا أصلى وأساسى

إسمك تاج حامله فوق راسى

شبهتك وإلى شابه أبوه ماظلم

وإلى عاش فى جوارك عمره م أتظلم

أصلك عملك وشرفك إسمك

وعمرى م أتوه يوم عن رسمك

عاشرتك والعشرة كانت ع الغالى

مكتوب على أفارق كل غالى

إتحرمت بعدك م الكلمة إياها

الكلمة إلى...... حنانها جواها

كلمة يابا بدل ما أقولها إتقالتلى

ولا كنت يوم أعرف معناها

ولاكنت أعرف قيمتها ساعتها

أتاريهاقيمة كبيرة كنت فايتها

ع الغالى ياغالى .....ربيت

ولاشوفتك يوم إشتكيت

يابا والطيبة فى المثل تنقال

وسيرة ينفع ليها ميت موال

إن قلت الطيبة فأنت المثل

وإن قلت الرجولة بضربك المثل

حياتى معاك .....تتعد بأيام

زى بالظبط ماتشو ف منام

هما كدا الطيبين ضيوف خفاف

والله الحياة بعدك صاحبها جفاف

صورتك مابتفارق الخيال

أصلك على طول...... ع البال

فى القلب أفتش عليك

ألا قيك جواه..... فى الحال

عرض الرؤى

معدل وصول المنشور: ٣٠

١ارق ملاك

تعليق واحد

أعجبني

تعليق

إرسال