قول لهم

 قول لهم

احمد صبري

سلم عليهم كلهم

وقول لهم

اذيكم وايه عاملين

واللي يقول لك عليا كلمة

ابقى قول له

كلمتين

اللي عندي ما غلاش عليك

بس مش مالى عينيك

مهما هاعمل مش هارضيك

حتى لو ضحيت سنين

مش مهم انا إيه شعوري

المهم انا اقوم بدوري

حد لازم مش ضروري

عادي لو عايش حزين

قول لهم مش غالي عندي

يعتبر عصفور ف يدي

مش هيفرق لو يعدي

مش مهم هيبقى فين

قول لهم ان انت غالي

وان أنا على قد حالي

عمري لو ايام وليالي

مش هيفرق يروح لمين

بس ما تنساش تقول

اني هريحك على طول

مش ممكن ولا معقول

يبقى معاك غير الغالين

كل واحد عارف تمامه

واللي اولى ب اهتمامه

كل عقل وله علامه

وكل قلب وله حنين

وانت قلبك لون بلاك

الحب مش فارق معاك

بره حلو ومن جواك

اوحش من كل الوحشين

انت مات فيك الضمير

وزيك زي ناس كتير

مهما نعمل فيهم خير

يطلعوا ف الأخر خاينين

كل التفاعلات:

٣٣