فراق

 فراق

.............

عدت سنين الآه

والتوهه في التنهيد

صاح القسي أذن

بُعدَك ما لوش

مواعيد...،

...

قالوا الوجع موال

عزف النشيد وقال

معزوفه بهتانه

والغنوه مليانه

بالحرقه والتسهيد

........ ؟

يا صبر خد سكتك

والعمر من بدري

واسرقني من

ضحكتك....،

وانت ولا ب تدري

شخبط على الحيطان

لخبط ب طبشورك

و ارسم لي منشورك

لوحة الأمل تجاعيد

..........

كتب القلم آيه

و وقف على الكلمه

والشرح جوايا

والعزم والهمه

والدرس في القمه

وشهد لي خط الإيد

.........

ناظر زعيم فرقه

عامل كما الموسيقار

و ف دفتري تلقى

شتى العلوم أسرار

والنشئ عامل زار

وعصاي مش بتفيد

...........

يا بيتي مال الجفا

عشش على دروبِك

من بعد حضن و دفا

بتهشي محبوبك

ده انا منك انت اكتسي

وشي ملامح صبر

وزرعت فيك التمر

طرحت مرار عناقيد

.........

أمشي أروح على

فين......؟

يا عش انا طيرك

فيكي بقالي سنين

معرفش انا غيرّك

.........

والصحبه كانت قلم

والفرقه زادت ألم

و اكتافي من

خيرك

نطقت تحية العلم

هتف القلم

أناشيد

...........

شكرا يا ست الناس

يا معلمانا الويل

العلم كان في الرأس

أصبح قليل الحيل

وسهرت ليكي الليل

لما أنحني

ضهري

وشبعت من

قهري

والشرح والتمهيد

...

يا سنيني عزيني

عمري ما كنت

سعيد..،،،

وال وحدي خليني

أعيش بقيها وحيد

واروح لمولايا

ف نهاية المواعيد

........

يا صحبه زوروني 3

و أوعاكوا تنسوني

مره ولو في العيد

مره...،ولو في العيد

..............

.......؟

حسن حفني

٦٦

٣٨

أعجبني

تعليق

مشاركة