(مش لإني؟؟؟؟؟)

 قصيدة بعنوان

(مش لإني؟؟؟؟؟)

مش لإني بقول لك

على كل شيء تقوليه

نعم وحاضر أبقى إنسان

ضعيف أو لإني بطنش

كلامك أبقى واحد

مستفذ ومانيش مهذب

أو سخيف.

أو لما أصدك وأكشر

في وشك أكون

راجل عدائي

و مخيف.

أو لما أعدي موقف

في نهايته هايترك

مشاكل بينا

أبقى حد شهم.

وغضنفر ذوق

و لطيف.

أو إنتي كاسره عيني

وكاسره نفسي

وماسكه ذلة

أو واضعه على

رقبتي بجبروتك

وسطوتك

حد سيف

لأه طبعا وألف لأه

الراجل مش يبقى

راجل على زوجته

مهما كان لإنها حته

منه وجوا قلبه.

مش هي أي واحده.

قاعده فتره

عابره في حياته

وهاتنتهي أو هي

عنده جايه ضيف.

لإنها ليها كرامه

لازم نصونها

ونحافظ عليها

وعلى عيالها

لانها أمانه عنده

ولازم نحافظ على

الأمانه وليها مكانه

وليها إعتبار.

وليها عشرة ومودة

وليها قلب بينبض

و بيضخ دم

وإحساس ومشاعر.

محتاجه حب ومحتاجه

حنان وود

وواحد له ضمير.

راجل شريف يخاف

عليها ويحتويها.

يلملم ضعفها

ويحتضنها.

ويكون ظريف.

يضحك في وشها.

ولو إحتاجته في وقت

شده يكون تحت رجليها.

ويكون وليف.

مش لإني بقول لك

على كل شيء حاضر

إن أني إنسان

ضعيف

أنا بأبقى قاصد إني

أعدي وبمزاجي.

ومش ناقصه هم.

الحياة لازم تعدي.

إن رضينا

أو غصب عنا بس لازم

عشان تعدي لازم تكوني

حد فاهم وحد عاقل.

ودمك خفيف.

روحك حلوه ووجهك

بشوش يرد روحي

بكلمة تنعش القلب

وتخفف عني همي

وحمل تقيل شايله.

كسر لي ضهري وهدني

مع إني عارفك

بدون ما أجامل.

طيبه وكريمه

مش ليكي

في النساء

مثيل أوليك زي

أو وصيف.

أنا أخدتك بالغالي.

من وسط البنات

وكنت حظي وقسمتي

ونصيبي وراضي

بال كاتبه علي ربي.

وقلبي لما حبك.

حبك بجد

وكان حبك جوا مني

حب عفيف......

31/1/2023

(ترنيمات وخواطر.بقلم........)

(شاعرالعاميه/خيرى حسنى)