((( احتفالية عيد جوازي )))

 ((( احتفالية عيد جوازي )))

والضهريه

يلا يا أم العيال

بالهداوه بلاش استعجال

شوف الشنطه

وشيل الفلوس

لا تضيع تبقي ف ورطه

يلا يا أم محمود

الوقت بيعدي ويفوت

فيه مطعم

اتقالت فيه مواويل

هناك فاتح ع النيل

***************

دخلنا ركن العايلات

ومزيكا عاليه السماعات

جات برنسيسه

بالورقه والقلم

ابص فيها

وابص ف العيال

وقلبي يتحسر ألم

طلباتك يا بيه

عندكم فيه إيه

الضاني كباب

ولحمه بفتيك

وحمام بالفريك

وكبد وقوانص الديك

من كل حاجه طلبين

ومن الشبسي طبقين

والساقع سفن اب

وللمزيكا هدي الدق

***************

وشويه البرنسيسه

الحساب يا بيه

حطيت رجل علي رجل

الحساب كام يا سنيوره

بصلتي من فوق لتحت

٥٤٠ جنيه

لقيتني واقف مفزوع

وكأني وقعت ف بحت

وبطني تصوصو م الجوع

تحويشة أربع سنين

٢٥٤ جنيه

يعملوا ايه

أم العيال كام ؟

٢٥٤ جنيه

كلت الكباب

آدي الدبله

وادفع الحساب

ومتنساش البقشيش

وأنا على بيت ابوي

ووراي متجيش

ووراي متجيش

***************

الشاعر محمد علي فرغلى احمد

معلم خبير بمدرسة أبوتيج الصناعيه العسكريه بنين

عرض الرؤى

معدل وصول المنشور: ١٢٨

٣٣

٩ تعليقات

أعجبني

تعليق

إرسال