حزين على قمحه..شعر الأستاذ/ محمود القطوعي..

 حزين على قمحه..

شعر الأستاذ/ محمود القطوعي..

ايه اللي خلى الليل ..

بيبهت على الصبح ..

ويغير ملامحه ..

مع ان الصبح قلبو..

ابيض ، والليل قلبو..

اسود ، وكتير ..

الصبح بيسامحه..

وليه مش كل الشجر..

بيطرح ثمر ..

وجريد النخل ..

شوكه ديما مقاوحه..

والعصافير وقت الشتا..

ماتلاقيهاش في مكانها.. ومختفيه.. بيوحشنا صوتها.. في طلعةصباح الشمس..واللي من غير..

ريش البرد دابحه..

ومطر السحاب بينزل..

في اماكن..مع ان فيه..

اماكن محتاجه نقطه ..

من الميه والأحياء والارض..

بيندهوا والسحاب ..

بيغير ملامحه..

والعواصف ويا الرياح..

بيتصاحبوا وع الموج..

يشيلوه ويضربوا بيه..

المباني والجدران.. والبيوت والبشر ..

والغضب ف عنيهم..

من شدة غلط البشر..

الموج بيرمح ومحدش..

قادر يوقف مرامحه..

شعر الأستاذ/ محمود القطوعي

وايه اللي جرى ف البشر..

قلبوا كيان السلام..

وصنعوا سلاح القتل..

اللي غير كتير نفوس..

عن طريقه تنهب وتقتل ..

وتشرد خلايق من بلادهم..

وبذر السنابيل حزين..

على قمحه..

وليه الليل ديما يعاكس..

النهار ويلفه ف سواده..

وبيحارب صبحه..

ليه الفلوس بتدور ..

للغربان يلعبوا ببها..

ملهمش أمان ويغيروها..

وايه ذنب اللي بيتعامل..

بيها وفيها أكله ودواه..

ولبسه وملامحه..

شعر الأستاذ/ محمود القطوعي..