عامل برئ

 عامل برئ

يلى إنت عامل برئ جبت البراءة منين

بتمثل وشاطر أوى واصل لحد فين

لوخدعت كل الناس مش خايف من بعدين

العمر مهما طال آخرك يادوب مترين

يلى إنت عامل حبيب وإنت الخيانه ف دمك

بتاخد من الناس عسل وتعطيهم سٍمّك

وأنا إللى شاريك وإنت ولا همك

مالكش عزيز تبيع حتى أبوك وأمك

عامل صاحب ضمير وإنت فى الفساد غرقان

بتلوم أفعال الناس وإنت فى الأساس شيطان

ماشى فى طريق الشر والشر قطران

عمرك ماتبقى سعيد وفى الآخره خسران

باصص فى إيد الناس والناس عليك بتدوس

عايش حياتك غلط بتعبد الفلوس

هتعيش كمان مذلول وع الأيادى تبوس

ومامدام مفيش بركه هتعيش كمان منحوس

بدل ما تلوم الناس دور على نفسك

قبل مايجى يوم وتفقد كمان إسمك

إكسب رصيد هيجى يوم ويناسبك

قبل ما يبقى فى التراب جسمك

كلماتى

أحمد إبراهيم خليل

عرض الرؤى

معدل وصول المنشور: ٧

١ارق ملاك

تعليق واحد

أعجبني

تعليق

إرسال