همسة ......... عتاب *****************

 همسة ......... عتاب

*****************

بيشاغلنى ف الحب كلام

اللى معدش له بقلوبنا مكان

ولا حتى بقا بيخطر ع البال

معدش لينا فيه خيار

عشان عاد مكياله المال

تتجوز الأهم معاك كام

الحب معدش له بنا مجال

بيداس عليه بالاقدام

معدش بوجودنا جمال

الشهد بقا طعمه مرار

الحب جنة لكل زمان

الحب للسعادة ميزان

الحب سكنه أمان

نهجره بنختار النار

أمتى يترفع للحب أذان

يبقا بنا بر وإحسان

والا الحب بقا حرام

الغدر والكره حلال

معدش بقلوبنا سماح

نسيب جرح نلاقى جراح

والا ده قدر ونصيب

القلب يعيش بين الخلق غريب

اللسان نسى لفظ حبيب

القلب معشعش فيه الهم

وجودنا بقا كله غم

الهم بيجرى بالوريد زى الدم

من غير الحب وجودنا غروب

الهنا تملى من القلب بهروب

جرى ايه بس ياناس

راح فين بس الاحساس

بندور تملى ع الأخلاص

بعد م الكل ع الحب داس

مع كل فجر جديد

بتمنى يبقا الحب وليد

القلب بحضنه يبقا سعيد

وجودنا بيه يبقا عيد

والا ده أمل هيبقا بعيد

كفاية بقا عذاب

يالا نفتح بقلوبنا للحب باب

دا القلب بالحب تملى شباب

والا احنا مينفعش معانا عتاب

هيفضل عنا الحب تملى بغياب

أمتى ياحب لينا هتزور

والا هتفضل منا تملى بنفور

محدش على غيره غيور

دبلت ع الشجر الزهور

كل يوم بدق للحرب الطبول

منعرفش الظالم م المظلوم

فقدت الجمال حتى العيون

غابت بالسما كمان الطيور

بين الضلوع ساكنة الهموم

محدش على حالنا بيثور

ياريت ياحب لك بذور

كان زمانك بوجودتا مبدور

بوجودنا بتلف وتدور

مكنش فيه حد مغرور

ولا حتى بالقلب حقد وغلول

كنا عملنا منك جبال وتلول

وجودنا كله بقا نور نور

ميبقاش للكره بوجودنا ديول

نعيش حياتنا بهنا وسرور

من غيرك بيمر ويعدى الزمن

بيموت جوانا ببكرة الامل

البشر لك ولنفسه ظلم

دى حصدنا من غيرك ندم

وجودنا من غيرك عدم

حياتنا وجع وألم

اللى بيبنى زى اللى هدم

أيه يابشر جرى ايه

نستوا جيتوا الدنيا ليه

النبى محدش بيصلى عليه

من غير الحب مفيش فضيلة

حياتنا كلها ذنوب ورذيلة

******************

بقلم

عادل جاد

٢٢

١

أعجبني

تعليق

مشاركة