حلم ،، كابوس
و مش فاهم ،،ما عنديش رد
ولا، لاقي،، لهواكي ، مرد
بقيتي حلقة ، مقفولة
كما ، الغولة ، تخض ، بجد
انا اللي مشيت في بستانك
و كنت ، ارويه ، بأيامي
و قولت ،، أحلم ،، علشانك
قابلني كابوس في احلامي
و انا صاحي غلبني النوم
و انا ، مهوم ، انام تاني
يا شغلاني ، في وسط غيوم
انا ،المهزوم ، بأحزاني
و اقوم ، مفزوع ، علي صويتك
مانيش عارف ارد ، ازاي
و بشرب شاي ، عشان. انسي
في تلبيخك ،، و ايه الجاي
بلاقي الصرخة و الضحكة
في ميكس رهيب ، طالع منك
كابتشينوا ، بريش فرخة
مافيش مخلوق ، يشيل عنك
تزيدي غباوة ، في غبائك
و ايام ،، النكد ، دائك
و لو قَلِبتي أوراقك
اشوف، حوارات كتير منك
واقول عادي اقضيها
وامشي ، و اعيش
الاقي صداعي في دماغي ،،
كما الواقف في فرن العيش
و بلعن سلسفيل ، داغي
و اجري بسرعة اقول راح انام
الاقي منامي فيه ،، خفافيش
وو اقفة ، في وسطهم بومة
كأن الحلم بيعاند ، و فارد
خطوته و مادد ،،
بيعزمني علي عزومة،،!!!
*******************
شعر / ياسر عبد الحميد
*******************
ليست هناك تعليقات:
إرسال تعليق