انا مش انا
يارتني كنت انا
ياخساره طلعت انا
انا كنت فاكرني
لحد ماتهت مني
واللي مجنني
مفيش حاجه حصلت مني
وليه انا بقيت مش انا
ماكنت حلو وعايش
والوقت بقيت عايش
ومش عايش
منا عايش بالعافيه
وسط نفوس مش صافيه
حتي تنصحهم يدخلو لك في قافيه
لحد ماجبو لنا ولهم الكافيه
في الدنيا اللي لاهياهم
والشيطان بيلعب بيهم
الله يجازيهم
علي عمايل ايديهم
خلوني نسبت نفسي
وبقيت انا مش انا
ولاتمر عيش ولا ملح
ولا حد ماشي صح
الغدر ماليهم
وحتى الايام جت .
وياريت مجت
قطعتنا حتت
لما ميلت لنا البخت
علشان اتغيرت
خلت العيشه مررت
ولا حتي فكرت
تعمل حاجه لينا
ولا حتي تراضينا
لجل الحال يتعدل بينا
يمكن ونفوق م اللي فيا
ارجع انا ليا
ماهو انا مش انا
مخلاص خلاص
واح الاخلاص
وخلا الناس
مابقت ناس
وبحق لا الاه الا الله
يارب منك انت بس النجاه
وترجعني تاني ليا
واعرف انا نفسي
اللي بقت مش هيا
وسلمت امري لله
ماهو كله علي الله
عايشين كلنا في حما
ومغطيانا سماه
وبقول دع الايام تفعل ماتشاء
ومهما طال العمر لابد له من انقضاء
وقبل نهايته يارب لنفسي انا مشتاق
ماهو انا مش انا
بقلمي محمد سليمان
ليست هناك تعليقات:
إرسال تعليق