==== مصر باقية ====

 ==== مصر باقية ====

واهرب لفين من سنين بتمُر

سنه ورا سنه ورا سنه

وتزحف بي ولقبري تقربني و تِجُر

شفت كتييييييير وشفت قليل

شفت قليل حلو .....

وكتييييييير شفت فيها المُر

كل عام وف نفس المعاد

رأس السنة ويناير جاى

وعيد ميلادي يوم مايسُر

عادت ولا عارف .....

الملايكة إيه كاتبين

حسنات وللا سيئات بتضُر

يا رحمة ربنا طلبينك

من غيره ربنا ينجينا

من الأشرار والشر

ويرحم من كانوا معانا

وسابونا نقاسي من

الفراق الصعب المر

ياعام جديد ولابس

توبك الأسود

على جنود تتقتل ....

وكل راجل فيهم حر ...

دافع عننا بروحه

وياما شاف صقيع البرد ....

ويا ما شاف زمهرير الحَر

ارهاب خسيس

خفافيش ظلام

للمال خدام ...

وناوي ع الخراب والشر

بكرة جاى الأمل

ولازم ينتهي الإرهاب

بأيادينا وبأيادي الشباب

وقدامنا يختفي ويفر

ومصر باقيه وعايشة

مهما تشوف .....

ومهما الزمان عليها مَر

ربنا صاينها وحاميها

مهما يكيدوا ليها

يحميها من كل ضُر

بقلمي

صلاح شعبان الفيداوي

القاهرة

٣١/١٢/٢٠٢٢

عرض الرؤى

معدل وصول المنشور: ١٢

١ارق ملاك

تعليقان

أعجبني

تعليق

إرسال