ليه مستعجل .....؟ الجزء الاول

 ليه مستعجل .....؟

الجزء الاول

خمسة

انت وهو وهى

تعالوا بسرعه

وبلاش كسل

الكلام كبير

بس مين يفهمه

الحياة بتجرى

والقطر عدى وفات

حد بص وراه وشاف

ايه ضاع منه فى الزحام

ولا بكره جاى

وهيلاقى اللى تائه

اسمع كلامى واتعلم

ده العمر يدوب ساعات

بنعدها ولا هى بتضيع والسلام

تعالوا نجيبها من الاول

جيت الدنيا بتعيط

والكل من حوليك بيزغرط

ننه هو يا صغنن

بكره تكبر وتتعلم

من ايد لايد تتنقل

الكل فى دوره مستنى

وليه بس مستعجل

ما انت من الكل متدلع

تاته تاته يا معلم

الايد اتشدت

شايلك حبه حبه

نحله بتلف وتدور

امسك انت واهو

الحقوه ابتدى يخرب

سيب كفايه هنتجنن

بس ليه مستعجل

اهيك واقف تتعلم

اوزن جسمك ويلا خطى

تعالى لهنا و اوعك تقع

خلاص كبرت بتجرى

ومين يقدر يسبقك

بس ليه برضه مستعجل

اصحى يلا علشان تتعلم

خد شنطتك وكتبك

ويلا بسرعه على المدرسة هتتاخر

كل السندوش فى الفسحه

وركز واوعى تنسى تتسوح

ترجع بسرعه تكتب الواجب

وتحفظ كل اللى فات

ده الامتحان قرب

والنتيجه تظهر ونشوف

لفين هتدوينا

واحنا تعبنا من الاول

بس لساك مستعجل

سنه وراء سنه

العمر بيعدى

تكبر والحمل بيزيد

الكتف مال والضهر انحنى

من درس لدرس اليوم بيعدى

كتب ملخصات حتى ورق بنصور

امتى نخلص كل سنه

نشيل الهم ونقول يا رب هون

هنرتاح لما تخلص

تنتهى السنه مبروك

يلا شد حيلك للسنه الجايه

ساقيه فيها ومربوطين

نتعب بس مش عارفين نوقف

اهدى شويه كل ده ومستعجل

بقلمى /شريف القناوى .٢٠١٧

كل التفاعلات:

٥٨٥٨

٢٠

٧٦

أعجبني

تعليق

مشاركة