ختام

 ختام

بقلمي يحيى حسين

خلاص أنا خلصت كلامي

بضاعتي ما عليها إقبال

لحبايبي وصحابي سلامي

بستثني قلوب أقفال

قلوب ما تعرف عشرة

يدوبك من بره القشرة

ولو مرة عاتبت ولومت

حتلاقي قلوبهم كشرة

بتبيعك في لحظة وثانية

وكأنك يا بوزيد ما غزيت

ما هي دنيا ذليلة وفانية

ما تقولش خسارة ياريت

خسارة في يوم عديت

للشط والبر التاني

وفي الاخر أنا أتعريت

ورجعت هنا من تاني

حقفل على نفسي الباب

هس ما عدش كلام

وحنزل هنا السرداب

وأقول للدنيا سلام

يحيى حسين القاهرة

17 يناير 2022

عرض الرؤى

معدل وصول المنشور: ١٢

٢متاهة الحروف وارق ملاك