مجلة نداء الرؤح لفرسان الكلمات

 قادر تعيش بقلم أحمد شاهين

مِعاند ظروفك وقادر تعيش

ودايما بتضحك فى كل الظروف

عيونهم بتحِسب معاك الألوف

تفتِش جيوبك تلاقى مفيش

مظاهرك جميله ولِبسّك قديم

ومطرح ما تِظهر تشوفك عيونهم

وماشيه حياتك وعايش بدونهم

ودايما بتِمشى كدا فى السليم

غِناك مش فلوس غِناك فى الرضا

بتِحمد وتشكر فى ربك يوماتى

وغيرك بيبكى ويفضل يهاتى

وتِسمّع ضميرك يادوب من نِدا

وناسى ظروفك وحاضن خيالك

وعايش فى دنيا صانعِها بنفسك

تجدد أملها وتقتِل فى يأسّك

وعمر الأذيه ما جات يوم فى بالك

مِعاند

ظروفك

وقادر

تعيش

كلمات أحمد شاهين

عرض الرؤى

معدل وصول المنشور: ٢٦

٢Ahmed Mohamed Ahmed Shahen وارق ملاك

تعليقان

أعجبني

تعليق

إرسال