سبع صنايع والبخت ضايع

 سبع صنايع والبخت ضايع

وإللي اشترى إمبارح النهرده بايع

وإللي حبه كان راشق بقى مايع

وإللي بيشقلبلنا الكلام فاكر نفسه صايع

وياما أخدنا مقالب وياما قابلنا عقارب

آه من زمن الحب فيه عليه ضرايب

لا بعيد نفع ولا قرايب

دنيا دواره وإللي يعملها حساب ما لوش نايب

ما نفعش إللي داس فيه ولا إللي تايب

ولا اترحم إللي اتلط فيها ولا السايب

ولا نفع فيها حوت ولا خايب

وما بيتفطمش منها ولا شاب ولا شايب

شهاب عياد