أزاى .. لله .. نعود ********************

 أزاى .. لله .. نعود

********************

زمن الحب والمحبة راح

حياتنا كلها الم وجراح

قلوبنا ملوها ظلم وظلام

مش فارق معانا حلال وحرام

شكلنا ف الظاهر لينا كيان

ملامحنا بس ملامح إنسان

بص للواقع حوالينا

تلاقى جوانا شيطان وشيطان

بيخدنا م الجنة يسحبنا للنار

واحنا بنحضه برضا وأبتسام

البشر فاكر نفسه م الأحرار

نسى أن بينه وبين الشيطان تار

شوف لفين وصل حالنا

قطعنا خلاص حبل الوصال

ده كله بسبب النميمة واللسان

الاخ لأخوه غدر وخان

عشان ورث وشوية مال

الأخوة بقت بس مجرد كلام

خلاص جيه الطوفان

ليه لأ بعد مامات بقلوبنا الحنان

معدش بوجودنا مثالية واحترام

الصغير بقا بيسوق الكبير

والله اللي بيحصل ده كتير

مبقاش حد على عرضه بيغيير

معدش قدوتنا سيد الأنام

قدوتنا موضة الغرب والأمريكان

اشهد علينا يازمان

أحنا اللى بنغتصب بأيدنا الأمان

التبرج والعرى بكل مكان

البنات بتلبس بنطلون مقطع ياخال

شوف وصل بيها الحال

فى عز البرد ماشى بيه كمان

خلاص عرضنا علينا هان

يعوض الله ع الرجال

عدنا بزمن النسوان

هجرنا دستورنا القرآن

القراء بقوا بيه تجار

شوف القارئ مقاولته كام

معدش له بوجودنا مجال

بقا ع الرف مهجور

زيه بس زى البخور

العمر بيعدى ويفوت

الكل بيتولد عشان يموت

غرور الدنيا بيهيئ لينا الخلود

ايه يابشر جرى ايه

نسينا حكمة وجودنا بالدنيا ليه

الدنيا دار بلاء وأختبار

حصاده جنة أو نار

أحنا مش عارفين نختار

عايشين حياتنا لهو وهزار

أزاى حالنا بس هيروق

والشيطان لينا بيسوق

أزاى لله نعود

واحنا نسينا انه موجود

*********************

بقلم

عادل جاد

عرض الرؤى

معدل وصول المنشور: ١٩

كل التفاعلات:

٤عادل جاد، وارق ملاك وشخصان آخران