((( عواقب الإحتفالية )))

 ((( عواقب الإحتفالية )))

فاكرين

فاكرين الغدوه إياها

والدبله واللي حصل معاها

وأم العيال

ف بيت أبوها

وست الكل حماتي

ماسكه ودان مراتي

كاني وماني وتهاتي

الدبله يا مفيش مرواح

وأنا فرصه راح أرتاح

ع اللقمه والهدمتين

البركه ف بناتي

وأولادي الاتنين

**************

والعيال عملوها مناحه

أمنا يا منجيش البيت

ولبسوني أنا ف الحيط

خلاص مابدهاش

سحبت قرض

ع الكام شهر

باقيين للمعاش

واشتريت دبله

وعبايه خروج

تعيشي وتدوبي

يا أم محمود

**************

وحماتي تبصلي

من فوق لتحت

جيت بالعين الحمرا

كان لازم الشخط

صعب عليا أول مره

روحنا البيت

واتلموا اولادي

واحفادي

وسلمي بنت ولدي

افتكرنا بحاجه يا جدي

ومحمد ولد ولدي

خلاص يا بت

كفايه عليه الجده

يا اولاد أنا جاي م الحج

أنا خايف م القرض

وسداده

لازم يتسدد ف معاده

وأنا المدبوح

ومني متلبشه الجته

وكل واحد عايز حته

وكل واحد عايز حته

*****************

الشاعر محمد علي فرغلى احمد

معلم خبير بمدرسة أبوتيج الصناعيه العسكريه بنين

عرض الرؤى

معدل وصول المنشور: ٤٣

٣محمود القطوعى، وارق ملاك وشخص آخر