حاسس بروحك يافاجومي
بتشاركني ف الأنين
بتشجع روحي تقول قومي
وكأني واقف أصاد جاهين
أساتذتي دول ياولاد
القدوة بيرم مدد ياتونسي
شعرك تملي يسعد نفسي
يانسايم الشعر تعالِي عودي
وسمعيني الأبنودي
الحزن غاب
ف شعر عمك سيد حجاب
نغمات الشعر دي كتيرة
حبيت الجَخ ف تأشيرة
أنا وزمايلي شعرا الضل
بنكتب شعر يسعد كل
بقلب صافي مفيهوش غل
وشعرنا ف جمال المُهْرة
ومخاصمانا ياخلق الشهرة
بنكتب شعر بمعني هادف
جوه قلوبنا ينادي هاتف
صونوا الكلمة ومعناها
ياإما نتوه ف متاهة
ناخد قديمنا ونجدده
ادامنا هدف ونحدده
الإسفاف حنهدده
بكلامنا الراقي
وبمعني باقي
للعطشانين نبقي الساقي
ونعبر بقي عن الحرافيش
بالشعر يمكن نقدر نعيش
ويبقي الشعر غموس وعيش
هشام سليم
شاعر الحرافيش
ليست هناك تعليقات:
إرسال تعليق