أمسيات الحسن. . 19/ 1/ 2023
( العشق الممنوع )
بقلم الشاعر :حسن حلمى
يا دنيا مهما قالولي عنك بفستان ولولى
انا عمرى ليله ما اصدق
وسنين بعمري تعدى
وانتى بتحنيلي ضهري
وكأن شوقك غلبي
وسارقه من العمر بدري
ومهما قولتيلى عمرى
ونور عيونى وسندى
و عطر وردى و فلى
غيرى مسيرك تغرى
اهين وآه يا ليالى
على مر عدى بحالي
تسقينى كاسها بمراره
من شهد عمري ودمي
وكتير بتجرح وريدي
وتغنى قال يوم بعيدي
لفرح بيوم من سنيني
والشعر شاب فوق جبيني
وحتى دبلت ورودى
وجف جفني وعودي
وهى لسه تناديني
وتقول يا عمرى وسنينى
قرب كمان خد حنينى
وضم ضلعك بضلعى
و دق عودك و غنى
لهز بالكعب خصرى
وتمد ايدك تشيلنى
بوسط عينيك وننى
لتطول ليالى وليالى
وانا بردو عشقانه حالى
طول ما انت جنبى
وقربى
ونور عيونك حارسنى
وتنتهى دى الحكايه
من غير بدايه ونهايه
لحد ما انزف بوتري
والضحكة تبهت بصوره
ولسه عنها يقولولى
الحلوه فستان بلولى
ولابسه قال عقد دهبى
تغيرى عيونه وعيوني
يا دنيا عدى وفوتى
الليله مش وقت موتي
لساني بدعى لربي
يحميني
من طيش جنوني
ويعدى عمري بسلامه
وبصدق وبحسن نيه
ده انا الحسن
يا يمامه
وصورتي بالحسن منك
ومهما يخدعني
سنك
غيرى مسيرك تغرى
ما تمرى يلا
وعدى
وفوتى بالقطر بدرى
لساها سكه
طويله
مش كام يوم وليله
انا الحسن
يا حزينه
والضحكة ما مفارقه خدي
حتى شوفينى
بمرايا
لتنتهى دى الحكايه
واعيش حياتي
لغيرك
وافرد جناحي لضله
بقلم الشاعر : حسن حلمى
ليست هناك تعليقات:
إرسال تعليق