يارب ياهادى
باللغة العامية
كتبت فى1/1/2023
كلمات الشاعر/ سعيد الشبراوى
يارب...... ياهادي
تحفظ كل بلادنا
وتحفظ كمان بلادى
وتراعينا فى حبايبنا
وتراعى كمان ولادى
يارب ياهادى
يعم السلام كل البلاد
ويكون فيه نصيب لبلادى
والخير يعم والشر ينزاح
ويكون داه العادى
وتشفى كل مريض
وتبعد عنا الأعادى
يارب ياهادى
تنور بصيرتنا الخير
ونسلم من شر كل الأيادى
وتديم علينا سترك الجميل
والخير يعم ودا العادى
وتملى قلوبناخير وإيمان
ونحب الخير لبعض عادى
يارب ياهادى
دعناك يارب وإنت المجيب
تكون أحلى سنينا السنادى
وتوفق أولادنا للخير
والخير يملى الأيادى
وتهديهم لينا ولكل الناس
يارب إنت الهادى
ليست هناك تعليقات:
إرسال تعليق