٨٨٨٨ (حاجة تجنن) ٨٨٨٨٨
خدلك لقطة
وإعمل شِير
وإبعت فيديو قوام للغير
ناقص بس تقول للميت
لازم تضحك في التصوير
لما نصادف مرة حادثة
والا نشوف واحد متصاب
نلقي الناس وسط الكارثة
حالها بيتعب الأعصاب
إللي يصَوّر وإللي يشَيّر
واللي بيبعت ع الواتساب
واللي إتفرج واللي يهرج
والمجروح لساه مِتساب
واللي يصَوّر ياخد لقطة
قبل مايجي يسابقه حد
ناسي إن غيره في ورطة
محتاج منه
إيد تتمد
وأما يقوله هات الإسعاف
تلقي صاحبنا إتهز وخاف
تلقاه عامل فيها
عبيط
ويمشي كأنه
لا سمع ولاشاف
فين النخوة فين الجدعنة
فين الهمه..........يامصريين
حالكوا إتغَيّر من كام سنة
لما بقيتوا
سلبيين
الشاعر
شرف الدين فاروق أحمد
ليست هناك تعليقات:
إرسال تعليق