..صعب منك أهرب ...
وألقاني بأنده لقلبك تاني
أحلفه بالغالي ما ينساني
وألقي عينيكي وحشاني
ويشدني هواكي وأقرب
ف حبك توهه وأنا فيها
عاشق نهارها سهران لياليها
حكاية ومكتوبلي أحكيها
حبيت ومين من حبك يهرب
ف كل سطر كاتبه كان إسمك
وكل صورة ف عيني صورتك
حتي حبي لغيرك كان حبك
يمكن تغيري وتقولي ليا أهرب
موال وياليل وياعين ليكي
وغنوة عمري مكتوبة لعينيكي
وكل ما عندي ياريته يرضيكي
تعالي عيش حبي كده وجرب
ياهوي وكل ما فيا بيهواكي
ف كل وشوش الناس بألقاكي
بأعيشك وف خيالي معاكي
قدري ومين من قدر قلبه يهرب
ودي حكايتي معاكي وسطورها
لا قادر أبعد عنها أو حتي أغيرها
ولا عارف أعيش الحب مع غيرها
لا قادر أبعد عنك ولا قادر أقرب
ولحد ما أقابلك يوم أو أنساكي
ماليش في الحب غير هواكي
قلبي أسير وسجنه ف عينيكي
بحبك وحبك مفيش منه مهرب
.... أيمن بلال ....
ليست هناك تعليقات:
إرسال تعليق