*** عام مضى ***

 *** عام مضى ***

للشاعر /صابر الشناوي

باقي ليالي قليله

ونطوي. صفحه من

الكتاب اللي اسمه عمرنا

متعلقين. زى الورق

فوق النتيجه ع الحيطان

زي. الشجر. وقت.

الخريف وسط. الغيطان

أوقات. نطير. من الفرح

لو. لحظه. حسينا بحنان

وكتير. عنينا دبلانين

من البكا. أو سهرانين

بنشكي. قسوه. الزمان

متكحلين حسب الظروف

وكتير. مداريه. الهدوم

نضحك. في عز. المعمعه

والمجدعه. وقت. اللزوم

شفنا. ناس. مجروحين

والدنيا فيها معلمه

نقري اللي مكتوب م الأزل

نحلم. تملي بالأمل

اللي يحقق حلمنا

نقري. حروف متسرسبه

تتعد دايما. بالساعات

أو بالسنين أو الحنين

والعمر. كله. كام سنه

إحلم. على قد. السطور

وإرضي. بقسمه. ربنا

وبلاش تدور في الدروب

على حاجه مش مكتوبه ليك

قلل يا صاحبي من الذنوب

كله دين. محسوب. عليك

أستر. وداري في. العيوب

اليوم. دا ليك ؛؛ بكره عليك

عرض الرؤى

معدل وصول المنشور: ١٧

٢صابر الشناوي وارق ملاك

تعليقان

أعجبني

تعليق

إرسال