اغنية الام
الاغنيه مسجله مصنفات فنيه
كلمات الشاعر
ادهم عبده مجلى
(ادهم العوضى)
احلى الحكاوى بتتحكى
عنك اه يا يا اما
مهما قلوبنا بتشتكى
دوانا فى الضمه
بعد الحبيبه الغاليه
ما لينا تانى احباب
يا اللى حياتك دنيا
رحتى بدون أسباب
غير انه قضا ربنا
ومليتى قلبى عذاب
ونهارى بقا ضلمه
اه يا امااااااه
موال ★★★★★
يا احلى حاجه فى حياتنا
يا بسمه حلوه فى دنيتنا
يا شايله اى هموم عنا
يا منوره لينا سكتنا
★*★*★*★
عرفنا منك طعم الحب
يا ساكنه روحنا وساكنه القلب
ده لو فى يوم نبعد عنك
البعد عنك اكبر ذنب
★*★*★*★
الجنه فى وجودك يا امه
دنيتنا من غيرك ضلمه
وافديكى والله انا بروحى
واعيش واقول اجمل كلمه
★*★*★*★
يا احلى حب يا قلب كبير
يا حب غالى من غير تفكير
ده سعادتى ونعيمى فى رضاكى
ودعاكى ليا ده احلى مصير
★*★*★*★
يا اللى انت قلبك متحجر
امك حياتها ما تتقدر
احرص على رضاها ونوله
من غير رضاها هتتعسر
★*★*★*★
احلى السنين فى حياة الام
من غير وجودها نشيل الهم
من بعد امى ما ليش احباب
فى الدنيا ديه لا خال ولا عم
موال ★★★★★
ما اقدرش اعيش فى الدنيا
وانتى مش فيها
ما اقدرش اكون انسان
يا زهرة البستان
ده انت اللى كنتى النور
والضلمه لياليها
وانت اللى شيلتى عنى
كتير من الاحزان
وانت اللى كنت باخاف لو تبعدى عنى
والبعد عنك خوف ما لهش امان
★★★★★
ليست هناك تعليقات:
إرسال تعليق