انا والحظ ادهم العوضى أدهم عبده مجلى

 انا والحظ

ادهم العوضى

أدهم عبده مجلى

الاغنيه مسجله مصنفات فنيه

★*★*★*★

ليلى يا ليلى يا ليلى يا عين

حظى ده انا امتى بس هيتعدل

بختى ده يا ريتنى عنه انا هتسأل

كنت قلت والله حرام. فين هادارى ظلم الايام

اصل الزمان اهو كتب الحزن صفحه فى قلبى

الفرح منه اتشطب والحزن جاى متخبى

الزماااان ظلمنى والاحباب كانوا وسيلة

والله جرحى ٱلمنى والاطبه قليله

وانا مش هممنى كل ده

ولا حتى اده عشر مرات

ما لو يجينى غير كده

هيجينى برده دموع واهات

موال

يا حظ مالك كده بتعيب وتتعايب

انا بختى عمره ما كده لو كنت يوم غايب

أنا الحظ ما ليش دعوه

عمرى ما هابعد ولا هاوعى

عمر الدنيا ما تيجى ع الكيف

عمر الدنيا ما تبقى مطاوعه

★*★*★*★

صرخت قلت يا حظ حرام

على الف دمعه باقوم وبانام

وباقول كفايه ما جبت كتير

خلينى افوق بقا م الاحلام

انا الحظ ما ليش اختيار

لا عمرى جبت لا نور ولا نار

ده انت قدرك مكتوب لك

ربك وحده عالم اسرار

★*★*★*★

يا حظ ما أعرف اقولك ايه

بكلمه واحده سكت انا ليه

زى ما جانى الحزن كتير

بكره الفرح اكيد هلاقيه

يا صاحبي قدرك كده

ما ترضى يللا وعيش

وما دام رضيت بالرضا

فى كل خير هتعيش

★*★*★*★

خلاص يا حظ انا راضى

وعمرى ما اعتب عليك

فى جرح فرح انا عادى

مانا برده منك وليك

يا صاحبى انت كده حبيبى

وفى جرحك انت تعذيبى

وعشان ما تنسى كل الجراح

قول ده قدرى ونصيبى

★*★*★*★

خلاص يا حظ انا مش زعلان

مهو هو ده قدر الانسان

يعيش حياته فى الدنيا

على حبه جرح وحبه حنان

★*★*★*★

ادهم عبده مجلى

ادهم العوضى

يا حظ

عرض الرؤى

معدل وصول المنشور: ٧

١ارق ملاك

تعليق واحد

أعجبني

تعليق

إرسال