****(( كل عام وانتم بخير ))****

 ****(( كل عام وانتم بخير ))****

يا سنة جديدة شو مَعِك أخبار

العُنف كان كثير خَربانة الديار

اختك عَلينا نَزَلت وَيلات

ياما كَتَبنا عَالعُنف أشعار

وجوى الحَديقة ذَبَلوا الوردات

والحُلُم يَلي كان عِنا طار

والام تِبكي وبَكَت النِجمات

لما إبِنها راح بالاعصار

سَكنَت بِبَيت الشَعِر عَالتلات

لما قَلولها بالخَبَر شو صار

لَطمَت عَوَجها نَزَلت دَمعات

تحَمَلت وديان مع أنهار

ما تحَمَلت إنه إبنها مات

وإنه إنقَتَل من غادِر وغَدار

نِبدأ سَنة جديدة مع السهرات

نغني سوا والعزف عالقيتار

والفَرَح عِنا يكون بالحارات

والشمس تُرقص تعشَق الازهار

ونِبني ثِقة بالحب والبسمات

والبسمة توصل مُعظَم الاقطار

ونُكتب قصائد للوَطَن بالذات

بالوطن في أبطالنا الثوار

..بقلمي..ياسين مصطفى بكري

عرض الرؤى

معدل وصول المنشور: ٤٩

٤ارق ملاك و٣ أشخاص آخرين

٧ تعليقات

أعجبني

تعليق

إرسال