(ياريتني ماحبيت)

 (ياريتني ماحبيت)

ياريتني ماحبيت

ولا بنار الشوق انكويت

ماكان جرحني الهوى

ولا دوقني الحب العذاب

ولا وجعني فراق الأحباب

ولا شربت من كاس الضنا

ولا العذاب عرف طريقي أنا

ولا عقلي كان تاه في بعاده

ليه اللي أحبه يخون وداده

وازاي أصون حبه وهو مايوم صانه

سهرني الليل ووراني الويل

وطيفه مافارق لحظه خيالي

والعذاب اللي شوفته

ماخطر يوم علي بالي

فين حبيبي اللي هويته

وفين الحب اللي إتمنيته

حبيبي مش فاكرني وناسيني

وقلبه القاسي بايعني مش شاريني

قلبه كان قاسي وحجر

وكنت أشوفه واوصفه بالقمر

وبعد ماحبيته ملكني وسجني في هواه

وبقسوه جرحني وانا من سنين باستناه

ماهان عليه يوم يفرحني

ولا من عذابي مره صبرني

ومين يداوي جرحه اللي صابني

ومن سهر الليالي يريحني

ومين يطفي نار اشواقي

واللي اشتريته باعني ما اشتراني

وازاي أنساه وانسي غدره لقلبي

وازاي أقدر علي دموعي عنه أخبي

ياما قولتلك إنساه ياقلبي

كنت تعاندني وما تصدقني

حبه كان قرارك واختيارك

وياما حذرتك منه قبل انكسارك

لاهمك كلامي ولا شايف عذابي

واللي افتكرته هيوديك للجنه

وداك للعذاب والضنا وماشوفت معاه يوم هنا

وبنار حبه كواك وكواني

خواطر (اشرف الدغيدي)

حقوق النشر محفوظه

عرض الرؤى

معدل وصول المنشور: ٤٦

٣متاهة الحروف، وارق ملاك وشخص آخر

٤ تعليقات

أعجبني

تعليق

إرسال