أمل وفرج عام جديد 2023 ( عامية مصرية)بقلمي أشرف محمد السيد

 أمل وفرج عام جديد 2023

( عامية مصرية)

سنة غريبة وعدت وبفقرها راحت

سنة جديدة وهَّلت والعيشة إرتاحت

يا ما فى هموم وإتنست بالصبر هتعدي

نفسي أشوف الفرج اصل الدماغ ساحت*

وَسَعْ يا واد للفرج باين عليه عيان

عَمال يلف البلد يشكي كما النسوان

حيران ومن كسفتوا يظهر ومتخبي

والصبر عندوا إتعَزم لابد ومش ندمان*

نِشفت دموعي انا والقلب مش خالص

دافع فاتورة نكد قالوا الحساب خالص

صدفة وأماني وأمل جايين يقابلوني

بكفاية حيرة وندم إكتم يا واد خالص*

عاوز أبُص بأمل باب الامل مقفول

عشرين تلاتة إبتدت بزعيق وفقر وفول

خلاص هسيب الأمل وأجري على أماني

أماني خط إنقطع تطلب يقول مشغول*

دنيا ومن طبعها ثابتة وبتغَير

عشمان انا ف ربنا افلح واتشير

منفوخ من إللي فِضل فقري وجاب الهم

عَامَكْ سعيد إحضنوا وإحزق هتتصير*

نضحك على بعضنا ونقول جديد وسعيد

مبروك مبارك هَلا ونبوس ندوس ع الإيد

نكدب نجامل غلط نضحك عشان نبكي

بَيَاع يبيع الهوى يُنفُخ ونَاروا تزيد*

يَا عام جديد والنبي بايس تُراب رِجْلك

خليها أجمل سنة وإدبح لنا عِجْلك

عايزين ندوق العسل بكفاية فقر وهَمْ

خايف تسوق الهَبل واقعد على رِجْلَك*

عرض الرؤى

معدل وصول المنشور: ٣٦

٤ارق ملاك و٣ أشخاص آخرين

١٢ تعليقًا

أعجبني

تعليق

إرسال