مجلة نداء الرؤح لفرسان الكلمات

الخميس، 6 أكتوبر 2022

$$$طبطب علي نفسك $$$

طبطب علي نفسك لو موجوع 
ده مفيش مره طفا الدمع شموع. 
احضن روحك واطمن واتكلم بصوت مسموع. 
متقولش قلبي بيتالم والفرح ممنوع. 
طبطب علي نفسك لو موجوع 
ده اليوم اللي يعدي ملهوش تاني رجوع. 
انسا الاحزان وكمل ماتفكرش انك موجوع. 
ده حياتك محتاجه لضحكه تهز الاركان. 
متوقفهاش علي حد مهما كان.  
ارفع لجراحك راية العصيان.  
ابني لنفسك من الامل الف كيان. 
هتعدي وتمر الأيام. 
جواك احيي كل الأحلام. 
طبطب علي نفسك لو موجوع.. 
قول للدمع من قاموسي انت ممنوع. 
ودع ايام المر واحزانها.. 
بايدك كسر بروزها. 
وآلامك اردم سردابها.. 
احضن عيونك بفرحه وطمنها. 
طبطب علي نفسك لو موجوع. 
أفرد جناحتك عالي لفوق.  
اصحي من وهمك يلا وفوق. 
متستناش حد يزوقك قوم. 
اسعد روحك... دواي جروحك 
متوقفش وكمل من غير رجوع. 
طبطب علي نفسك لو موجوع.. 
** طبطب علي نفسك ***      بقلمي محمد رمضان....  6/10/2022