قالك بحبك
صدقتيه؟
وأدوب ف حبك
فعشقتيه؟
حسيتي حبه
بنبض قلبه
وللا ابتسامة ف السلام؟
وللا عهد من لسانه بالغرام؟
وللا قصايد ف الغزل؟
وللا شفتي من جنابه
جهد اتْبَذَل؟
وللا بحبك عن الحبايب
انْعَزل؟
قالّك ما بنامش الليل؟
وف حبك داق الويل؟
أثبتلك بالدليل
وللا قصور ف الهوا؟
دِيب وف قلبك عَوَي
وقلبك خَضَاره اسْتَوَي
عِشتي وياه الحنان
حسسك يوم بالأمان؟
وقف معاكي ف محنتك
وصان معاكي محبتك
في أزمتك؟
وللا حبك سابه يعرف
عِلّتك
أزمتك
نقطة ضعفك
زلّتك
خليكي معاه للآخر
اديله الحب الفاخر
ويوم ماييجي لحضرتك
يطلب يعيش في جنتك
شُورِي عقلك قبل قلبك
ولما عقلك يقول بحبه
ونفس قلبك يبقي جنبه
اعلني حبك بفرحة
واستعدي للبس الطرحة
تبقي عروسة ف ليلة الحنة
دخلتي بقلبك أعظم جنة
دخلتي بقلبك أعظم جنة
هشام سليم
كنج العربي
شاعر الحرافيش
ليست هناك تعليقات:
إرسال تعليق