حبيت و قلبي داب
أبدأ كلامي بذكر الله
بعدها نروي الحكاية
مين قدم خير بيدها التقاه
و ربي وحده عالم بالنوايا
حبيت و قلبي داب في هواه
صبية كانت زينة الصبايا
القلب قايد علي جمراه
الحب ناره والعة في حشايا
مش قادر أصبر على الآه
مش قادر أصبر على هوايا
حبيبة قلبي أسمها سماح
هي اللي في الهوي منايا
أنا عاشق و بحب سماح
و حبها هو كل الحكاية
لو يرق قلبها و يفتاح
هتكون لجروح قلبي دوايا
شاغلة القلب ليل و صباح
زي البدر منورة سمايا
خلتني أدور ورا منها سواح
مش عارف إيه النهاية
كل اما اشوفها احس بجراح
و نار الهوي قايدة في حشايا
دا بكلمة منها القلب يرتاح
و يروح كل تعبي و شقايا
قالت يا واد طمن القلب و ارتاح
أنت حبيبي و أنت منايا
دا أنا عاشقاك من زمن راح
و غيرك أنت ما ينول رضايا
يا حبيبي أنا من زمان رايداك
و نار حبك قايدة في حشايا
و القلب في حبك كان سواح
و كنت اشوف صورتك في المرايا
تعالي يلا نداوي كل الجراح
و تعيش طول العمر معايا
تعالي حبيبي نعيش لنا يومين
نعيش مع بعض للنهاية
و لا نسمع كلام ناس لايمين
إيه تسوي الدنيا و أنت معايا
مين زينا إحنا الاتنين
حبيبين عايشين أحلي حكاية
حبيبي أنت نور العين
و بحبك كتبت سطور النهاية
بقلم العاشق
عبيد رياض محمد
5/10/2022
ليست هناك تعليقات:
إرسال تعليق