بتحلم حلم وتصدق
تقوم على وهم اوجاعك
ومين قالك في يوم تحلم
حلمت تطير في بستانه
وتقطف ورد احضانه
سقاك من مر احزانه
وكسر في الفضا جناحك
رجعت حزين ومتوجع
عرفت ان الهوا بيخدع
ومين يدرا ومين يسمع
ومين هيحس اوجاعك
زمان الحلم صدقته
وسيبت الارض علشانه
شربت المر وعشقته
رجعت تاني لمكانك
ومين قالك في يوم تحلم
بحد رماك ويوم باعك
حلمت الحلم ومصدق
صحيت على مر اوجاعك
....
ايمن شتا
ليست هناك تعليقات:
إرسال تعليق