أكتوبر بالمصري
سته أكتوبر طالع سعدك
أيوا مصري محدش قدك
يوم وتاريخك فيه أبطال
...............................
عرف العالم. قيمة أرضك
حضن سينا هناك بيشدك
شرق قناه حفروها رجال
وف أسوان بنولك سدك
...............................
عبور فخره سطر مجدك
هان الصعب رفعته بكدك
هيا عزيمه....... تهد جبال
يحكي أبوك ويأكد جدك
...............................
ويعدولك ....وإنت بعدك
مانع مائي ..وساتر صدك
ضافوا عليه الوهم جدال
كله عبرته.......تسلم يدك
...............................
الله أكبر........ ورعاك ربك
وجه نصر عزيز على قلبك
تاريخ يحكي كفاح أجيال
إنت المصري.. ماحد يهزك
................................
يللا يا مصري وفيي وعدك
مصر أمانه.. بتخطب ودك
صادق وإنت بتحيي آمال
شجاع وانت بتاخد عهدك
********************
بقلم/عبد الكبير محمد أحمد
ليست هناك تعليقات:
إرسال تعليق