نادى المعلم واعطيه الطباشيرة
قل للمعلم يمسح السبورة
خليه يوفق بين زميل و زميلة
حتى لا تدخل بينهم الغيرة
***
حتى لا يشعر انه مسجون
دعه يتخير صنف من الفنون
دعه يبدع ويبتكر في كل لون
***
لا ترفع صوتك على الطالب
ووفر له كل المطالب
حتى لايصبح طبعه سالب
اشرح في فصلك لا تعطه واجب
***
ولي الامر له يؤمر وينهي
وفي أي موقف حقه يفتي
ضايفه على حسابك سندوتشات وطرشي
واسقيه الواجب قبل مايمشي
***
يا بلدنا ليه هينا المعلم
بعد تنوير العقول ليه ينظلم
تلميذ مشاغب واجب عليه الحلم
يستحمل قلة أدبه ولا يتكلم
***
قللته من قيمته
شوهتوا ليه صورته
قصرتوا في حقه
فين راحت كرامته
***
زمان كان احترام الأستاذ
يضربوا ويشخطوا طلعوا افذاذ
والأب يساعد اكسر عليه لوح ازاز
عايزه راجل لو هتولع فيه بجاز
***
لو ماشي في الشارع نقف انتباه
واللي بيجري ويعطينا قفاه
فاكر معلمي ومش ممكن انساه
بدعي له دايما
ربي يحسن مثواه
(((أسامه جديانه)))
ليست هناك تعليقات:
إرسال تعليق