رباعيات كيمو
حاسب روحا كي المتنبي
و هو كي كانون مهبي
ناس تكتب و هو يلبي
ينشر لسيادا القواد
*****
حاسب روحا حاجة كبيرة
و هو زيرو في التصويرة
نتعدى يهبل مالغيرة
موش عارف قيمة لعباد
*****
مشا في بالا صحيح مدير
و هو في البصر ضرير
يحسب في ابداعات الغير
على ليلى مركب عداد
*****
كيمو متوحش معروف
كي نكتب يجريلا الجوف
بكلماتي نردا كي الصوف
و نهزا بين زوز عواد
*****
سمعتوشي على كلب الست
نجم عملا برشا سبت
شهرا في الشعر و في النت
كيمو كيفا في الميعاد
*****
أنا زادا شهرتا كيمو
خلوه يبشبش بحريمو
ينشر كان لنينا و سيمو
و فالح زادا في العناد
*****
كيمو رد بالك مالجلطة
و لا عملة فيها ورطة
كي تسهى تعملشي غلطة
و تشمت فينا لولاد
*****
كيمو مسيطر عالميدان
يرى طفلة يهبط إعلان
من أنتم لاش الدزان
بخور و جاوي للحساد
*****
كيمو قالوا عليه فحل
نلقاه مستك و سطل
خبيث و يلبد كي لورل
ما عندا صيفة لجواد
*****
يا كيمو لاش التهويل
ليلى تخربش أنت تميل
كي الزبدة تسخن و تسيل
و عندي عليك برشل شُهاد
*****
من لخر كيمو حلوف
مصوحب ليلى عالمكشوف
عرفتا من لول سفسوف
ما يصلح كانش براد
*****
يصب التي بالوجوه
لا يهما خوه و لا بوه
كيف العتروس الي خصوه
هو و الجحشة لسياد
*****
وراهم يمشي قطيع غنم
الجحشة تروث هو يشم
يحط الصورة في العلم
يجازيهم ربي الفساد
*****
توا يا كيمو نخليك
حجم زيرو و البس شيك
تقعد ديما أنت ركيك
و أنا سيدك بن شداد
في
06/10/2022
ليست هناك تعليقات:
إرسال تعليق