( بحبها ) :

 ( بحبها ) :

بحبها

ودي فيها إيه ؟

بتحبني

طب يجرى إيه ؟

بنحب بعض

عايشين لبعض

بنموت في بعض

زعلكوا ليه ؟

ما تسيبوا كل الناس تحِب

ما تخَلَّوا كُل الدنيا حُب

حيجرى إيه لو كلنا

عشنا الحياه اشواق وحب

بحبها

ده شىء صحيح

بيني و بينها

في شئ مريح

يعني اللي بيني وبين حبيبي

مش مستخبي ده شيء صريح

الحب ليه مش جاي معاكم ؟

وحقدكم ماشي ف هواكم ؟

لو تصفى بس قلوبكو يوم

حتلقوا في الأحباب دواكم

بالحب حنعيش الحياه

بالود راح يحلى اللُقا

يحلى القمر ونور ضياه

ونودع الغيم والشقا

يا ريت تحبوا يوم زيِّنا

تتعلموا الشوق مننا

لو دقتوا طعم الحب يوم

حتفهموا إيه قصدنا

لو دقتوا طعم الحب يوم

حتفهموا إيه قصدنا

بقلمي الشاعر جمال زكي عينر

عرض الرؤى

معدل وصول المنشور: ٤٢

١١

تعليقان

أعجبني

تعليق

إرسال