بأمر الهوا
تيجى نحلم من جديد ونغني
ونقول ونعيد ونفرح من
قلوبنا ونخلى أيامنا عيد
تيجى نرجع زى زمان ونقول
ونبعد عن كل الناس
أنا وأنت وبس والحب تالتنا
قمر ينور طرقنا ونحلم
بالحنة وتبقي حياتنا جنة
ونعيش أجمل أحساس
ونسكر بدون الكأس
تيجى نجري شمال ويمين
ونطير زي العصافير ونحضن
حبنا ونروح لسكة العاشقين
ونبعد عن كل العيون
ونصاحب النجوم وندوس
علي الهموم ونعيش أجمل
أحلام ونعلا لفوق كمان
وكمان وأغزلك من القمر
فستان ونورك يملا المكان
وأكتبلك من النسيم موال
والقمر من جمالك يخجل
م يبان ويحلف مافيش في
جمالك إنسان
دا العمر يا دوب أيام لية
نضيعه في الخصام
تيجى نزرع الحب بساتين
ونسقية أمل وحنين ونهدية
لكل الأحبة وحبة حبة
نمسح دموع عطاشة الهوا
الحيرانين
ونعيش حياتنا سوا وننام
ونقوم في حب وهانا
وم علينا لوم واللى يغار
مننا يعمل زينا بأمر الهوا
تيجى نحلم من جديد
بقلمى/ هشام محفوظ
أعجبني
تعليق
إرسال
ليست هناك تعليقات:
إرسال تعليق