من وحى الخيال .. شعر غنائى .. ((( لو تطاوعينى )))

 من وحى الخيال ..

شعر غنائى ..

((( لو تطاوعينى )))

لو تطاوعينى و تكلمينى .. هأصارحك بالأسرار اللى ف قلبى ..

و أوعدك مش هأخالفك .. و أوهبلك كل حنانى و حبى ..

و أمزق كل دفاترى القديمه .. لأجل عيونك الحلوين ..

و أبتدى معاكى صفحه جديده .. كلها أشواق و حنين ..

لو تطاوعينى ..

أنا قلبى ميال ليكى .. عايز أعرف دخيلك إيه و شعورك ..

عيونك مخوفانى .. ونا مش قد غرورك ..

م السحر اللى فيهم .. خايف ليحسدونى عليهم ..

ونا من طبعى الغيره .. مش هأعرف أداويهم ..

لو تطاوعينى ..

طاوعينى يا قلبى و تعالى .. و إفتحيلى قلبك ..

صدقينى هآخدك بالآحضان .. و هأقولك كمان بحبك ..

و دايب ف خصرك النحيل .. و أموت ف قوامك الجميل ..

و أتوه من روعة شفايفك .. أنا مستنيكى م عنديش مستحيل ..

لو تطاوعينى ..

بقلم الشاعر الراقى ..

محمد البريمى ..

عرض الرؤى

معدل وصول المنشور: ٣٩

٣احمد حمدي، وفهدالصحراء الجرئ وشخص آخر

تعليقان

أعجبني

تعليق

إرسال