( كما عواد ) م /عبالحميد سالم
يا عينى على أب فلاح زرع وجاع
كافح وياما اتحمل كتير من الأوجاع
ويا عينى على إبن إتعلم ولميراثه باع
دا بيع الأرض زى العرض لو يوم ضاع
بقى عشان شقة ولا عربية يبيع الستر
كما عواد خسر كل إللى قدامه إللى وراه
أرضنا مروية بعرق جدودنا وهيا راس مالنا
دى كانت خزائن الأرض إيه اللى جرى مالنا
أرضنا البكر لو بارت نموت ولا نلاقى القوت
عمرك شفت بايرة ف الزمن عنها حد بيسألنا
عندنا الصحرا محتاجة لأيادى تزرعها وتعمر
بدل م نمد إيدينا لغيرنا ويتحكم فينا ويتأمر
إللى عايز قراره من راسه ياكل من ناتج فاسه
حتى الهندى زرع وصدر لنا وبقى علينا بيتنمر
تعليق واحد
أعجبني
تعليق
إرسال
ليست هناك تعليقات:
إرسال تعليق