/////////+++بانت لي زرهون+++/////////
من طريق ياك بانت لي زرهون
ماضركاتو شجار عز لمدون
بان ليا تاريخ بمجادو
بانت الخيل فرحة ف عيادو
فيها ناس ف الثلة العالية
هذا جاي هذا وداك غادي
دوك الزايرين حفيد هادي
فكرتني ف قدوم اهل البييت
ف محبتو اسيادي تبليب
وفرح بيا ضريح ولمكان
عانقني بالشوق العنوان
مولاي ادريس جانا فاتح
ينشر دين ياك جانا شارح
بايعاتو زرهون بمحبة
داك الجاي من ارض الغربة
مازالة حاضرة بمجادها
رافعة ف سما سر اعلامها
يازرهون ياضامة لحفيد
كنسلم عليك في يوم جديد
في قلبي ناقش اسرارو
والله ربي للي لي خثارو
بقلم صقر الحروف الزجال المحجوب بوسبولة
ليست هناك تعليقات:
إرسال تعليق