...... لما يضيع الضمير .......... احمد عامر ................

 ...... لما يضيع الضمير ..........

لما يضيع الضمير

كله يكون عادى

الكدب والافترى

والزور يكون عادى

والسرقه والجور والمحظور

برضه يكون عادى

ولا فرق بين شعبى

ولا سكنه بمـعادى

ساعة يضيع الضمير

كل الحرام تلقاه

وبجد المحترم مخنوق طريقه تاه

اما الحرامى زعيم ماسك بايده الجاه

ساعه يضيع الضمير

الدنيا تتلخبط

ابن الحرام سيد وابن الحلال يسخط

والفاشل يكون عنوان

والناجح بالطريق يسقط

والزانيه تصبح شريفه

اما العفيفه بالعيون تسقط

ساعة يضيع الضمير

تلقى الحرام غايه

ومهما عنده المال يسرق ودى هـوايه

عايش بجوه القصور والنفس نسايه

وساعة بيجى الموت يصرخ

الدنيا لهايه

ويتمنى يرجع ساعه

يتخلص من امواله لكنها نهايه

للظلم والافترى والزور والسرقه

والنار اليه جايه

ساعة يضيع الضمير

نكدب على حالنا

العقل فينا انتهى دخل الحرام مالنا

والسكر والعربده اصبح اساس حالنا

واما الادان يدن بنام على ودانا

الله اكبر ينادى صلولى ياعبادى

الله اكبر ينادى ذكولى ياعبادى

الله اكبر ينادى صومولى ياعبادى

الله اكبر ينادى حجولى ياعبادى

وانت بوسط الحريم سهران بالنادى

ولو حد قال استغفروا تضحك !!!! دستور يا سيادى

ساعة يضيع الضمير

تلقى رجال الدين بالاصل حراميه

وتقوله فين الدين يصرخ

ياعم دى هـديه

ياما الهدوم بتداري بلاوى منسيه

ياما المظاهر تدارى ببلدنا حراميه

الدقن طول شبرين والرك ع النيه

لاكنايس يجيها الناس

ولا مساجد معبيه

واول تقول ع الدين بنكون شوارعيه

وتنصب المعركه بين فاسدين

والفتنه طائفيه

ولا المسيحى يصلى ولا المسلم

والخلق ملهيه

ساعة يضيع الضمير

تلقى الوطن ينباع

وتلاقى اللى خان كبير

ومسانده الاتباع

يقطعوا بالوطن وكل اهل الوطن

والكل عنده مباح

ميهموش البلد ولا كل اهل البلد

وحتى اللى اتولـد الكل عنـده سداح

وف عهده ابن الاصول يشتغل تباع

وابن الحرام يحكم مع انه واد سفاح

وكله لازم يطيعه لانه م الاتباع

ساعه يضيع الضمير

بيضيع معاه الحق

وان مكونتش جرئ

اوعى تقول اللأ

وعيش حياه الزل

وعيش حياة بالزق

واللى يخون الوطن

واللى يخون الضمير

للحق هيقول لأ

ياعم

اقطع رقاب اللى خانوا

وأظهر ياعم الحق

قبل فوات الاوان

وتوقف امام الحق

قبل فوات الاوان

وتسأل امام الحق

.........احمد عامر .........

ننوه ان ماينشر حق مسجل بالهيئات المنوطه بذلك 9110/2014 س م ب

٣Ahmed Amer، وDahab Obaid وشخص آخر

٨ تعليقات

٤٣ مشاركة

أعجبني

تعليق

مشاركة