( ليه ؟ ) :
ليه الواحد لما يموت ؟
يفتكروا لُه الوِحشة وبس
يفتكروا لُه عدسُه وفوله
ينسوا الوِد وينسوا الحب
ينسوا العشرة وطيبة القلب
ليه بينسوا لُه لمَّا زمان ؟
كان علشانهم شايل الغُلب
ليه بينسوا لُُه اي حنان ؟
ليه فاكرين لُه القَسا والذنب ؟
إفتكروا لُه الحِلوة يا ناس
ده الموت طايِل كل الناس
ما نحدفش الناس بالطوب
واحنا بيوتنا إزاز في إزاز
أصل الظلم يا خلق حرام
في المسيحية وفي الاسلام
ضرب الحي يا ناس مرفوض
امَّا الميٍِت ضربه حرام
ضرب الحي يا ناس مرفوض
أما المَيِّت ضربه حرام
بقلمي الشاعر جمال زكي عينر
ليست هناك تعليقات:
إرسال تعليق