من ديوان نبع يكفي آلاف العطاشي
قصيدة
(((((((((((((((((((لو مرعليا ألوف)))))))))))))))))
وكل حته في قليبي تقول رايداك
وعاشقه كل تفاصيلك وف ليل الهوي أنا ليلك
وان خيروني بكل شباب الأرض ومابينك أنا عايزاك
وإن قالوا كبير عنك هقول والله الكبركبر مقام
وحنيه وود عليه من الصبح لحد مانام
وعقليه تفهم تفاصيلي
من نظره واحده من عيني
وانت المقسوم علي جبيني
ومهما يقولوا هقول برضه أنا عايزاك
ياعقل كبير
ياقلب كبير
من غير تفكير
إنت اللي شغلت القلب ياشوق القلب
وصاحيه ونايمه بناديلك
ياحلم كبير ياما شغلني
واخداني الفكره وبتقوللي
غلاوته اللي ساكنه ف عيونك
حبيبك هو عارفها؟؟؟؟
وكتير كتير مقدرها؟؟؟؟
ولا فاكر إنه لوحده كتير حابك ؟؟؟؟
وهو لوحده اللي عايز قربك؟؟؟؟
لأ ياحب العمر أنا بتمناك وعايزه لقاك
وانت لوحدك في كل الكون
اللي مالي قلبي وعينيا
وما رضي أكون لواحد غيرك
لو مر عليا ألوف
ليست هناك تعليقات:
إرسال تعليق