........... وداع ........

 ........... وداع ........

مش كنت قول ان الزمن حبة وداع

بنمشي فيها نودع الشيئ اللي ضاع

مش كنت قول المركبه من غير شراع

وإن شطوطها تحدفك وسط السباع

مش كنت قول ان الأمان ضحك وخداع

وإن الغريق لو شد قشه تموته

وإن التابوت مليان حكاوي ف جعبته

بالٌرغم انه ملوش جيوب في بدلته

اخد الحصاد من دنيته

شد الرحال

وكان طريقه و وجهته

اخر محطه لآخرته

مش كنت قول

ان الوداع جايلك قريب

وانك بكل محبتك عايش غريب

يومين تقال

وتسلم الرايه وتغيب

وكانها

على قد كوباية حليب

لكل من قال الزمن عمر ومدد

مين اللي حس بوقتها لما اتولد

مين اتكتبلو من الزمن طول الأمد

هتدوم لمين

غير ربنا الفرد الصمد

ارجع لعقلك د اللي أغلى منا راح

اوعى يغرك ضيها وسط البراح

د اللي تلمه ف دنيتك

يطلع عليه الاخره ساح

امشي ولملم منها كتر السماح

اوعاك تفكر انها دايمه لحد

د اللي يغرو حسنها مجنون بجد

واللي يطاوع مكرها يتشد شد

واللي فاكرها فتونه عالموت يسد

.....محمد إبراهيم درويش.......

عرض الرؤى

معدل وصول المنشور: ٣٨

٣محمد عزت، وفهدالصحراء الجرئ وشخص آخر

٦ تعليقات

أعجبني

تعليق

إرسال