طبعا بحبك
...........
كل حرف بصدق كتبته
وانتي بس اللي واخده بالك
فاكره زمان ولابسرعه بتنسىي
قلتي طول العمر هتفضل
انت ابويا واخويا وانت توأم روحي الغالي
شوق قلوبنا طاير من الفرحه
لما عيونك تتملى في عيوني
نحس الكون تحت يشاور لينا
واحنا ونجومنا فوق في العالي
اقطف من السعاده اجمل زهره
يفضل نورها في كل مكان قصادك وقصادي
تعالي جنبي مشتاق لونسه.. والخضره
اللي انا وانتي وفيها بتحكيلي
افضل اطبطب على كتفك برقه
الريشه تغير من حنينها الدافي
كلامنا صمت من الشفايف ولهفه
والعيون تقول كل حاجه وبالنيابه تحكي
لمسة ايدك موج فيه اغرق
واحساسك طوق من الهلاك يطويني
اشوف ابتسامه فيها سلامك
لكن مع الاسف من غرق لغرق غرقتيني
وبعد دا كله .......
هان عليكي وجايه تسالي
وتقولي في حيره انت لسه..... بتحبني
طبعا .....بحبك
ابو خالد ..
ليست هناك تعليقات:
إرسال تعليق