راح تاخد منها إيه؟
وماسك فيها ليه؟
بتكنّز ف الأموال
حتسيبها وتسافر
لا تغيّر ف الأحوال
مهما ياعم تعافر
حتسيب قصور ويّا الحرير
وتسكن بيت محدود مع دود
ما حينفعك إلا الخير
وحتتمني إنك تعود
سايبها سايبها
راح ترتاح من مصايبها
الحزن عليك مش حيدوم
يدوب كام يوم
مهما كنت عليهم غالي
سايب إيه؟
حتغير حالي ؟
شوية أكتر نبكي عليه
لو مش سايب
تبقي مصايب
استريّح وريّحنا
شوفولنا حاجة تفرحنا
اعمل لنفسك ولآخرتك
عشان ماتحصل أزمتك
متاع الدنيا زايل
خلّي الشيطان ف جزمتك
هشام سليم
شاعر الحرافيش
ليست هناك تعليقات:
إرسال تعليق