حقول كلام اعتبروه رد فعل
بلغة بسيطة بس عبيطةوالمعني سهل
مش ليا وحدي لكل الأهل
كلامي همام وكله علام مفيهوش جهل
نجيب منين معدش معانا
ياعم رد مبقتش أصد
حيلي اتهد
١٠٠ ألف سد
بينّا وبين البنكنوت
خلاص بنموت
الجفن دامع والقلب والع
ولا حد سامع
حتي السكوت
صدي سكوتنا ف الملكوت
ياناس بنموت
طب لقنونا حتي الشهادة
ادّونا ياخلق قبل الممات
صك الشهادة
اسمعونا افهمونا
ظالبين روشتة من العيادة
حتي الطبيب اللي يعالج
جاله الفالج
نفسه ينول الاستعادة
قُصر الكلام
مش لاقيين أي استفادة
نغرق ف مية البرميل
والقلب عليل
ومفيش بديل للسعادة
إلا الصبر
اللي طريقه يودي القبر
لشاب وكهل
لعلم وجهل
مضروب ياناس بمليون نعل
اديني اشتكيت
وكمان بكيت
مستني منكم
رد فعل
ردفعل
هشام سليم
كنج العربي
شاعر الحرافيش
أعجبني
تعليق
إرسال
ليست هناك تعليقات:
إرسال تعليق